OCHU DE MARÇU
-Pairi, ¿Por qué se celebra oi
El día de LA MUGER?.
-¿Lo quiés tú saber , jomíu?
Pos yo te-lo espricaré.,
Pon mucha atención , Juanillu,
Pa que-lo aprendas mu bien.
Nesti mundu en que vivimus
Ves qu´ai ombris
i mugeris
I tos tenemus derechus
Lo mesmitu que deberis.
Si ca unu de nusotrus
Los respetara i
cumpriera
No
avría desigualdaes
I no tendríamus pobremas.
Que se crei qu´é más huerti,
Atrapella alas mugeris,
Las maltrata hasta la muerti
I é una gran injusticia
El que tengan essa suerti.
I éssu no é cosa de ora
Qu´éstu vieni de mu atrás.
Yo creu
qu´endi el prencipiu
Dela mesma Humaniá
Se-las
a arrinconau
No tratando-las igual.
I
velaí, qu´angunus ombris ,
Por querer-las dominar,
Lo an hechu i aún
se sigui
Haciéndo-lu requetemal.
Llevandu toa la raçón
I an luchau i s´an emperrau
Por cambiar su condición
De ser inferiol al ombri
Porque , en verdá, no lo son.
Oi muchas van ala huelga
Dessigiendu sus derechus
Pos pa ser igual al ombri
Aún
las quea muchu trechu.
Por éssu , pa acompañar-las
Ena revindicación,
Mos
ajuntamus a toas ellas
N´esta gran celebración .
¡Ya está bien de maltratar-las
Por costumbris o religión ¡
Porque no ai nengún motivu
Pala descriminación
Por sel presona muger
O ser presona varón.
Festejamus su trebaju
I
agraecemus su amor
Peru
pa entende-lu bien…
Mira
a tu mairi, mejor,
qu´é un dechau perfetu
delo que-las a dau Dios.
¿ T´as enterau , Juanillu?
¿Aprendis-ti la leción?
Pos
ara mesmu, a hacer-lu
Sin salir-ti del guión.
I que
s´enteri tol mundu
Qu´el miajón dela custión
Éstá, sin dúa nenguna,
Ena güena EDUCACIÓN,
que se mami dendi casa,
comu estoi haziendu yo
i alogu se apontoni
entri toas i entri tos.
Antonio Sánchez Gil
USUARIO DEL CENTRO LA PLATANERA
(poema en extremeño)
8 de Marçu , día dela muger trebajaora
No hay comentarios:
Publicar un comentario